اعتصام المعلم المساعد 30/1/2011 لو شايف ان ليك حق شاركنا

السلام عليكم ورحمة الله وبركاته



اعتصام المعلم المساعد هو الحل الوحيد لدى الجميع فى هذه الأيام
بعد الوعود المسكنة التى تطلقها الوزارة

فقط اعتصام سلمى نطالب فيه بحقوقنا
فاخواننا فى موقع الثانوية العامة وموقع بوابة المعلم يتحدثون عن الاعتصام بشكل جاد والجميع متفق على الاعتصام
ونرجو منكم المشاركة
وكما نرى .. الموضوع لم يتبقى له حل سوى تحركنا واعتصامنا
لن ننتظر القضاء ليعيد لنا حقوقنا ... لأنه لن يفعل ذلك للأسف
مطالبنا لابد أن تتحقق بالضغط على الحكومة
وقد تم تخصيص صفحة على موقع الفيس بوك خاصة بهذا الموضوع
باسم

" معلمون معتصمون "

فى البعض بيقول ريحوا نفسكم كام واحد هيروح اعدادا بسيطة وفى الاخر هيتغيبوا وخلاص
للأسف نفوس ضعيفة وسلبية وغير قادرة على التغيير
ونتمنى أن نتخلص من تلك الحالة التى تنتاب قلة وسطنا
أحب أنوه حضراتكم لشيئ
يا ترى فاكرين يوم اختبار الكادر ؟؟؟
طبعا أه .. كان هناك الالاف من المعلمين المساعدين

من الاخر يا جماعة
احنا مش شوية لو اتحدنا كلنا وبقينا ايد واحدة
ساعتها مش هيقدروا يعملوا حاجة مع الالاف
يا جماعة الخير اذا كنا ناويين نتحرك فلازم نتحرك كلنا
اما اذا كنا هنتكلم وفى الاخر عشرة عشرين واحد يروحو
يبقا احب اقولكم نريح نفسنا بقا وكفايا حرقة دم
ونبقا نستاهل كل اللى بيجرالنا
وبلاش نشتكى لأنفسنا بعد كدا
لأن احنا السبب فى اللى احنا فيه بسبب سكوتنا على اللى احنا فيه

لذا
المطلوب هو الترتيب الجيد للإعتصام
وفى كام نقطة عايز اقولكم عليها
1. يا جماعة احنا تعبانين بقالنا كتير عشان كدا لازم نيجى على نفسنا ونتعب يوم واحد مع بعض وكلنا نروح للاعتصام أمام الوزارة وبلاش تقولى المشوار بعيد . دا ممكن يكون المشوار اللى هيغير مسار حياتك
لو عايزين نتفق يبقا لازم نتفق كلنا فى مكان واحد عشان صوتنا يبقا مسموع بأكبر عدد ممكن مش كل واحد فى بلده .
2. هنبدأ بالاعتصام فى يوم من أيم الأجازة " نصف العام " ونشوف ايه اللى هيتم
والاعتصام القادم سنقوم بالاعتصام فى يوم هام للوزارة يؤدى الى عرقلة العملية التعليمية وكدا يبقا عدانا العيب وقزح .
3. كل واحد مشترك معانا مسئول انه يبلغ زملائه فى الادارة التعليمية بميعاد الاعتصام ولازم يعرفهم ان الموضوع جاد واذا كان فعلا عايز حقه لازم يتواجد معانا .
مفيش كلام اقوله تانى دلوقتى .. كفايه كدا

ونرجو التواصل والترتيب لما سيتم
وتوضيح دور كل كل واحد فينا فى تبليغ الصحافة والاعلام

ننتظركم فى صفحتنا على الفيس بوك

" معلمون معتصمون "

وكل واحد عنده اقتراح يفيدنا فى الموضوع يتفضل بطرحه .. وان شاء الله نوصل للى احنا عايزينه

نرجو من كل ممن يقرأ الموضوع اذا كان يبادلنا الرأى يطرح لنا اقتراحه
.......

أرجو وضع رابط فى المشاركة عن موقع الجروب فى الفيس بوك
ولكن لابد من التروى قليلاً لأن فى مخاوف من نتائج سلبية لكل الحركات والمطالب الفئوية فى هذه الفترة الحرجة وحكومة تسيير الأعمال لن تستطيع تلبية جميع مطالب الجميع فى جميع القطاعات فلننتظر قليلاً ونرى والميدان لن يتحرك من مكانه والوزارة لن تتحرك من مكانها ولننتظر تكوين مجلس الشعب الجديد ونرى ماذا سيفعلون بخصوص إصدار قانون الأجر الموحد أو الراتب الموحد الذى نأمل أن يحقق العدالة الإجتماعية ويضيق الفجوة العملاقة بين أجور العاملين بالدولة فى مختلف الوزارات